خلّي زبونك يرجعلك
كل مرة
LoopTec Card بطاقة ولاء رقمية على جوال زبونك، بدون تحميل أي تطبيق. بيجمع نقاط مع كل زيارة، بياخد مكافآت، وبيوصله إشعار كل ما يقرّب من هديته.
3 خطوات وزبونك صار عنده بطاقة
ما في أجهزة ولا برامج تنزّلها. كلشي من الجوال.
بوستر QR بمحلك
بنجهزلك بوستر بلوجو محلك. الزبون بيمسحه بكاميرا جواله.
بطاقة بثواني
بيكتب اسمه ورقمه، وبتطلعله بطاقة ولاء بألوان محلك. بيضيفها لـ Google Wallet أو شاشة الآيفون.
نقاط ومكافآت
الكاشير بيمسح بطاقته ويضيف النقاط، ولما يوصل للعدد بياخد مكافأته. وبيرجع عشانها.
أكثر من بطاقة نقاط
أدوات تسويق كاملة بتشتغل لحالها، وإنت مركّز على محلك.
بدون تطبيق
البطاقة بتفتح من رابط، وبتنضاف لـ Google Wallet أو كأيقونة على شاشة الآيفون.
إشعارات للزبون
كل ما تنضافله نقاط أو تجهز مكافأته، بيوصله إشعار على جواله فوراً.
نقاط حسب الفاتورة
إنت بتحدد: كل كم دينار أو ريال = كم نقطة. السيستم بيحسبها لحاله.
حماية من التلاعب
حساب لكل كاشير، حد أقصى للنقاط، وسجل كامل بكل حركة ومين عملها.
تقارير واضحة
زيارات، زبائن جدد، مكافآت، ومين الزبائن اللي غابوا عشان ترجّعهم.
عروض وإشعارات جماعية
انشر عرض على بطاقات كل زبائنك، أو ابعتلهم إشعار بكبسة.
حملات واتساب
قوائم جاهزة للتواصل مع زبائنك المميزين أو اللي ما زاروك من فترة.
ادعُ صديق
زبونك بيجيبلك زبائن جدد، والاثنين بياخدوا نقاط هدية.
هدية عيد الميلاد
بعيد ميلاد زبونك بتبعتله هدية بكبسة، وبيحس إنه مميز عندك.
لمين LoopTec Card؟
لأي بزنس عنده زبائن بيرجعوا. إنت بتحدد المكافأة اللي بتناسب شغلك.
ومجالك مش موجود هون؟ احكي معنا وبنظبطها لشغلك.
جرّبها شهر كامل مجاناً
بنجهزلك المحل والبطاقة وبوستر الـ QR، وإنت بتشوف النتيجة بنفسك. إذا عجبتك، بنكمّل باشتراك شهري أو سنوي بسعر مناسب لمحلك.
- تجهيز كامل مننا
- بوستر QR بلوجو محلك
- تدريب الكاشير
- بدون عقود
- دعم على الواتساب
أسئلة شائعة
هل الزبون لازم ينزّل تطبيق؟
لا. البطاقة بتفتح من رابط على متصفح الجوال، وبيقدر يضيفها لـ Google Wallet على الأندرويد، أو كأيقونة على شاشة الآيفون.
بتشتغل على الآيفون؟
أكيد. بتشتغل على أي جوال فيه متصفح. وعلى الآيفون بيضيفها لشاشته الرئيسية وبتوصله الإشعارات منها.
بتنفع لمجالي؟
إذا عندك زبائن بيرجعولك، فهي بتنفعك: كافيه، مطعم، صالون، محل ملابس، سوبرماركت، مغسلة، جيم، وغيرهم. إنت بتحدد شو المكافأة وكم نقطة بدها.
شو بحتاج بالمحل؟
بس جوال أو كمبيوتر للكاشير وإنترنت. الكاشير بيمسح بطاقة الزبون بكاميرا الجوال أو بيكتب رقمه.
أنا بحدد المكافآت والنقاط؟
نعم، من لوحة التحكم تبعتك: عدد النقاط لكل مكافأة، نقاط الترحيب، طريقة احتساب النقاط حسب الفاتورة، والعروض.
بيانات زبائني آمنة؟
البيانات محمية ومشفرة، وكل محل بيشوف زبائنه هو بس. وأرقام الهواتف ما بتطلع على بطاقة الزبون.
كيف بيصير الاشتراك والدفع؟
بتبلش بشهر مجاني، وبعدها اشتراك شهري أو 3 أشهر أو سنوي، وبتوصلك فاتورة رسمية مع كل تجديد. احكي معنا واتساب للأسعار.